Die karringmelk maak die hoender sappig en maklik om met meel te bedek.
Genoeg vir 4-6 mense
Bereiding: 5 min.
Marineer: 30 min. of oornag
Gaarmaak: 40 min.
6 hoenderboudjies
500 ml (2 k) karringmelk
knippie sout
500 ml (2 k) meel
10 ml (2 t) gerookte paprika
2,5 ml (½ t) knoffelpoeier
5 ml (1 t) rooipeper
2,5 ml (½ t) fyn koljander
sout en peper
125 ml (½ k) olyfolie
4 patats, in repies gesny
koolslaai vir voorsit
- Voorverhit die oond tot 180 °C en smeer ’n bakplaat.
- Sit die hoender in ’n bak, voeg die karringmelk en die knippie sout by en meng goed. Bedek met kleefplastiek en sit 30 min. of oornag in die yskas.
- Gooi die meel en speserye in ’n bak of bord en geur die meel met die sout en peper. Haal die hoender uit die karringmelk, skud die oortollige karringmelk af en bedek dit met die meel.
- Verhit die olyfolie in ’n kastrol oor matige hitte en braai die hoender 5 min. of tot goudbruin. Haal dit uit die olie, pak dit op ’n bakplaat en sit dit 15 min. in die oond.
- Vryf ’n bietjie olie oor die patats en rooster 15 min. of tot gaar. Sit voor met die koolslaai.
Deur Hope Malau
Foto: David Briers